بالصور ومع هذه الخلطة السحرية قولي وداعا لسواد الابط , المنطقة الحساسة و الركب

مشاهدة
أخر تحديث : الخميس 2 فبراير 2017 - 9:50 صباحًا
بالصور ومع هذه الخلطة السحرية قولي وداعا لسواد الابط , المنطقة الحساسة و الركب

بالصور ومع هذه الخلطة السحرية قولي وداعا لسواد الابط , المنطقة الحساسة و الركب

اليوم الوصفة ديالي للناس اللي كيعانيو من شي سواد فجسمهم , فالوصفة صالحة لجميع الجسم :
الابط , المنطقة الحساسة , الركب , الأكواع , المرافق , اليدين , الرجلين , بقع فالجسم …….الخ
و مجربة طبعا لأنني قبل ما نحط أي وصفة كنجربها فنفسي أولا عاد كنحطها و كنكون متأكدة أنها غادة تنفعكم ان شاء الله
هاد الصيف مع قوة لبس الصندالات بديت كنشوف رجيلاتي بداو كيسماروا و جربت هاد الخلطة و داومت عليها لمدة أسبوع ………أو…..ب……..باي باي السمورية و رجعوا عاود كيف كانوا.

المقادير و طريقة عمل الخلطة

أولا غتاخدوا 3 معالق من شي كريم مرطب يكون شاد راسو , أنا هنا مخلطة شي كريمات جبتهم من الخارج و لكن بامكانكم تستعملوا كريم دوف أو جليسوليد أو نيفيا سوفت اللي بغيتو…
من بعد غنزيدوا عليه السر آنتي كحولة ههههههه بغيتو تعرفوا شنو هو
طبعا مللي بحثت مزيان لقيت باللي كيزيل السواد هو les acides de fruits , و الى قلبتو مزيان فكريمات التبييض غتلقاوهم كااااااااملين فيهم هاد المكون , و طبعا مكاينش اللي غادي يقوم بهاد المهمة أحسن من l’acide ديال la vitamine C , و فين غادي نلقاوه متركز بزاف فالحامض بطبيعة الحال ……!!!!
و لكن احنا بغينا l’acide ياك ؟؟؟ ها فين كاين
سواد الابط , المنطقة الحساسة , الركب1

Tang بكل بساطة , غنزيدوا ملعقة منه على الكريم اللي وضعنا قبل فالطبسيل
و غنخلطوا مزيااااااااان

سواد الابط , المنطقة الحساسة , الركب1

من بعد غناخدوا زيت جونسون
و نضيفوا منها 2 ملاعق على الخليط و نخلطوا مزيان
من بعد نديروها فشي بواط بالغلاقة ديالها و تبقى فالثلاجة
طريقة الاستعمال :

أولا يمنع منع بااااااااااااااتا وضع الخلطة على الوجه ممنوووووووووووووووع يا بنات ممنووووووووع , الوجه حساس ولا يحتمل مكونات الخلطة .
الابط :

البنات اللي كيعانيو من سواد الابط الى بغاو يتهناو منه بالمررررررة فما عليهم الا أنهم يتبعوا هادشي اللي غنقول :
أولا ممنوع الحلاقة بالرازوار لأنه يزيد الطين بلة , استعملوا لاسير هي أنظف و أحسن و اللي مكتقدش عليها بحالي و تستعمل كريم لآزالة الشعر شخصيا كنستعمل هاد belle vite و والمني أحسن من veet و طبعا كل وحدة و شنو كيوالم جلدها.
ثانيا انتبهوا يا بنات للديودورون اللي كتستعملوا راه حتى هو كيزيد الأمر سوءا , شخصيا لالالالالالاااا أنصحكم بـ Rexona خااااايب , هو صحيح فعال فازالة العرق و لكن خلالي الابط ديالي أسمر من بعد ما كان أبيض ما فيه حتى حاجة , ما حيدت هاديك السمورة اللي خلا لي غير بالكشايف , دابا كنستعمل هاد Nivea و مرتاحة عليه الحمد لله و ننصحكم بيه و فيه ايضا خاصية التبييض
و ايضا ممنوع وضع العطور فالابط لأن كنشوف شحال من وحدة كتحط البارفان فالابط و هي ما عارفاش أنه قبل ما غيكحل لها ديك البلاصة راه خطير بعدا على دوك المسام.
ثالثا فالليل قبل النوم غادي تغسلوا بوحدة فهاد الصابونات مضمونين من عندي و هما باش كينصحني الطبيب و فعلا كنلقى عليهم راحتي , يا اما صابونة ديتول يا اما صابونة دوف يا اما صابونة الطاووس اللي بزيت اللوز فقط , أما الباقي راه غير كذوب و تخربيق , غادي تغسلوا بيها الابط ديالكم مزيان من بعد غادي توضعوا الخلطة و تديروا مساج شوية و صافي نعسوا , و فالصباح مللي تفيقوا غادي تغسلوا مزيان الابط عاود بالصابونة ديالكم و تحطوا الديودورون و هكذا و ان شاء الله تشوفوا نتائج أنا متأكدة من أنها غادي تعجبكم
و اليوم اللي غتمشي فيه للحمام منين تخرجي طبعا كتكوني حيدتي كاع داك الجلد الميت , حطي على الابط ديالك شوية ديال الطلك ديال جونسون هاهي صورته
راه كيسرع النتيجة ديال التبييض و كيمنع رائحة العرق .
و على فكرة الناس اللي كيعانيوا من سواد الرقبة و العنق يعملوا نفس الشيء و نفس الخطوات
ملاحظة : اليوم اللي عملتي فيه لاسير أو حيدتي الشعر بالكريم ما تحطيش فيه الخلطة لأن البشرة كتكون ما زال متحسسة و ما خاصهاش تزيد , و قد أعذر من أنذر ههههه.
تابعى معنا
المنطقة الحساسة :
اولا ممنوع الرازوار كيف سبق و قلت , و لاسير أيضا لما تسببه من ترهل و كتشوه المنظر ههههههه فالحل الوحيد هو الكريم و أنا الحمد لله مرتاحة عليه , غير البنات يجب توخي الحذر الشديد لأن كيف كتعرفوا المنطقة حساااااسة.
ثانيا كيقولك المثل اذا عرف السبب بطل العجب !!!
كاين اللي السبب فسواد المنطقة عندها الاحتكاك , و لبس السراول المزيرة , فهنا هي عارفة شنو عندها , ما عليها غير تقطع هاد العادة و الى بغات تلبس المزير ما تلبسوش دييييييييما على الأكثر 4 ساعات فالأسبوع و تزوله , و كاين أيضا الاحتكاك عند السمينات كيديرلهم السواد بين الفخذين , ايوا ضعاااااااااافي أحنينتي الى باغا تحيدي الكحولة هههههه
نجيوا للسبب الرئييييييسي و اللي الأغلبية غافلين عليه , ألا و هو الرطوبة , نعم الرطوبة فالمنطقة الحساسة كتتسبب فالبكتيريا و ما أحلى المنظر منين تكوني كتلبسي غير السليبات ديال النيلون اللي كيزيدوا بطبيعة الحال الطين بلة , فالسواد هنا كيتركز بطريقة فظيعة….!!!
طبعا ما عمرك فكرتي باللي ديك المنطقة أيضا خاصها تهوية و بحاجة الى الأكسجين , تصوروا واحد البلاصة دييييييييييما مغطية بسليب و السروال دييييييييييما , حتى مللي كندوشوا و نغسلوها مزيان كنعاودوا ننشفوها فالبلاصة , و لبس عاود السليب و السروال !!!!!
اذن هنا و الله هاد الطريقة اللي غنقولكم لو تبعتوها ما غاديش تعرفوا شنو هو السواد , كل ليلة طبعا تغسلي ب l’antiseptique ديالك , و طبعا مااشي الصابون ,شخصيا كنستعمل hydralin و مرتاحة عليه الحمد لله , و نشفي مزياااااااااااااان بالفوطة ديالك ديال المنطقة و لبسي بيجامة فقط لاااااااا غير , و ماشي بيجامة بالسروال لا اللي بيجامة كسوة و نعسي و تصبحي على خير , هاد الطريقة ضرووووووري تستعمل 2 مرات فالأسبوع ضرووووري , حتى و لو ما كانتيش كتعاني من سواد فالمنطقة , خاصها تتهوى و يدخلها الأوكسجين , باركا غير الزمت اللي كتظل فيه النهار كامل .!!!!!
ثالثا دابا العلاج , غادي تعملي مساج للمنطقة و ما جاورها بالخلطة و تنعسي و طبعا قبل تكوني غاسلة مزيان و لأن أي خلطة كتبغي الجلد يكون على نظافة تامة , و مللي تفيقي فالصباح غادة تغسلي المكان بالماء من بعد تاخذي فوطة و تفزكيها بالماء و دردري فوقها بيكاربونات الصوديوم و فركي مزيان و من بعد غسلي
من بعد دهني ب Mitozyl ها هي صورتها

سواد الابط , المنطقة الحساسة , الركب1

و على فكرة ما تبدلوهاش بكينطا لأن Mitozyl فيها زيت كبد الحوت و طبعا فوائده لااااااااااا تعد و لا تحصى .
و هذا ما كان بالنسبة للمنطقة الحساسة , ايه قبل ما ننسى كندير مساج للمنطقة مرة فالأسبوع منين كنجي من الحمام
بزيت جنين القمح
الركب و الأكواع و المرافق قبل النوم تعمليلهم مساج بالخلطة , و فالصباح نفس طريقة الفوطة و البيكاربونات , و مللي تسالي دهنيهم بالفازلين ديال الحامض ها هي صورتها
و على فكرة راه السواد ديال هاد المناطق ب3 سبابه الجفاف , ديييييييما خاص الترطيب ديييييييييما , و شخصيا كنفضل بالنسبة لهاد المناطق الفازلين ديال الحامض
اتمنى لكن الاستفادة بهذا النقل
مع الشكر الخالص لصاحبة الموضوع الاصلية
وكل من تقرا الموضوع ويعجبها فلتكتب رد كيفما كان المهم ردا بطهر الغيب لصاحبة الموضوع الاصلية
وشكرا للجميع وادكر لست صاحبة الموضوع انا فقط قراته واعجبني فوضعته لتستفيدن جميعا

بالصور ومع هذه الخلطة السحرية قولي وداعا لسواد الابط , المنطقة الحساسة و الركب,ماسكات صحراوية, الصقلي جمال, وصفة جمال الصقلي, للا مولاتي حلويات, حلويات لالة مولاتي بالصور,3ila,تبيض الوجة خلال ربع ساعه،الخلطة العربية،تبيض الوجه, خلطة تبيض الوجه, خلطة للوجة،طبيعية،طريقه تبيض الوجه مجربه،وصفة تبيض الوجه من اول استعمال لمن ترغب بالبياض و النعومة الفورية،خلطة تبيض الوجه ولمعه وصفاء،تبيض الوجة خلال ربع ساعه, وصفات ممتازةللتخلص من تشققات البطن,بالصور ومع هذه الخلطة السحرية قولي وداعا لسواد الابط , المنطقة الحساسة و الركب

رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة عمارت الدار amartdar الالكترونية وهي تلزم بمضمونها كاتبها حصرياً.